銅鑼灣|御鐵

地址： 銅鑼灣駱克道487-489號駱克駅13樓 環境： 位於銅鑼灣C 出口😚地理位置方便，日系木質裝修，全部都係吧台，可欣賞師傅精心烹製鐵板燒 食物： 晚市鐵板燒有幾個set，今次品嘗係有澳龍有鮑魚，食材高質嘅價位嘅$2788 set (2人用） //火炙鰹魚青木瓜沙律// 食材成個聯合國咁🤣有來自日本嘅蓮芋、西班牙串茄，日本火炙鰹魚同泰國嘅青木瓜絲，第一次食蓮芋，好爽口口感獨特 //季節食材兩款// -火焰北寄貝，加入牛油快炒，再倒上木魚魚湯，爽口鮮甜 -南非活鮑魚配海苔醬 鮑魚好大隻❤️係三頭孔雀鮑魚，只用左少少牛油白酒調味，食到鮑魚本身嘅海水鮮味 //澳洲龍蝦配海膽龍蝦膏醬// 西澳龍蝦，8成熟啱啱好，所以入口彈牙，配埋海膽龍蝦膏增添甜味 //煙燻厚燒熊本縣A5和王牛// A5級別，牛肉未經急凍，入口滑身濃味啲 //煙燻西班牙伊比利亞厚切豬// 用咗櫻桃木煙燻，入口無咁油膩。入口juicy，唔會太老，配獨子蒜，竹炭海鹽食，更添層次應 //香煎野菜配田樂醬// 第一次食食田樂醬，味道似麵豉醬，配日本南瓜、 美國大啡菇、意大利青瓜食，入口濕潤咸香 //清酒煮蜆湯// 用本菇、水菇、蜆肉煮成，清清甜甜 //海膽烏魚子炒飯// 烏魚子入口似碎咗嘅咸蛋黃，香口開胃 //雪糕// 柚子雪糕酸酸甜甜，所以食到勁飽都食得落🥰